يحكى أنَ...

يحكى أنَ ... أنَ إيه
سرقوا بلادنا ولاد الإيه
يحكى أنَ ...
كان ياما كان
سرقوا بلادنا الأمريكان
يحكى أنَ ...
جيل ورا جيل
سرقوا فلسطين إسرائيل
يحكى أنَ ... يا أحفاد
امريكا دخلت بغداد
يحكى أنَِ ... يا حلاوه
أمريكا بتضرب بغباوه
يحكى أن ... مساء الخير
بوش راح يوصل و يَا بلير
راح يدخلوا بغداد العصر
و المغرب راح يدخلوا مصر
يحكى أنَ ...
انعقدت قمَه
ما بتعرفش تقول و لا كلمه
يحكى أنَ ... الظلم استشرى
و الدم مطرطش فى النشره
يحكى أنَ ...
ان احنا سكتنا و اتنيلنا كده بخيبيتنا
و كأننا ما كأنَاش كنَا
و الذل بيوصل لعينينا
و الله رحمه ان احنا بكينا
و الله رحمه ان احنا نعسنا
و الضلمه غطت فوانيسنا
بس خساره ما حلمناش
يحكى أنَ ... و ما يحكاش

منقول:
غناء حازم شاهين, أشرف نجاتي, شادي مؤنس, سامية جاهين, اية حميدة
بيانو نوار عباس
جيتار عامر بركات
ايقاع ايمن مبروك