معا لوقف الإستربتيز السياسي!!!

بقلم يحيي أحمد 

قبل كده كان بيتقالنا مين ده !

و بعد كده بقي يا عم هو حد يعرفه ! 

و بعد كده اه اسمع عنه بس هو عمل ايه قبل الثورة علشان يبقي الريس !

و بعد كده ده راجل تمام بس شعبيته قليله !

و بعد كده ده راجل تمام بس هو ليه بلال فضل و عصام سلطان بيقولوا عليه شعبيته قليله !

و بعد كده الاخوان شغالين الله ينور تشويه للصبح !

و بعد كده لما يقعد مع ابو الفتوح و خالد علي و مرسي فيقولوا ده كده بقي فيها يا اخفيها !

و بعد كده هو واحد مننا ازاي و هو بيركب العربيه المرسيدس بتاعه واحد صاحبه !

و بعد كده رايح اسكندريه في ذكري خالد سعيد علشان الناس تهتف بإسمه مع انه منع الناس من الهتاف باسمه و هتف كلنا خالد سعيد !

و بعد كده ده قعد مع احمد شفيق علي الغذا مع انه كان بيطالب بعزله قبلها بكام ساعه !

و دلوقتي مش ملاحظين ان كل اللي قبل كده طلع في الاخر غلط !

ما تيجي من بعد كده منديش ودننا للي بيكذب و اللي بيشنع و نشوف بلدنا شويه ؟

لو الوقت اللي بيضيع في نشر الاشاعات و التشنيع و الكذب علي الناس بكلام لا اصل له من الصحه تفتكروا ممكن نوفر وقت قد ايه ؟!

حد فاكرقبل كده لما اتقال ان حمدين حقق معجزة في الانتخابات لما جاب الأصوات دي كلها ؟

حد فاكر قبل كده لما بقي حمدين الرئيس الحلم لما بقي بينافس علي المركز الثاني ؟

حد فاكر قبل كده لما كلنا كنا بنقول يارب يارب يارب مع كل نتيجه صندوق ؟

بعد كده اي حد يصدق صفحه او حد قاله قبل كده حاجه عن حمدين و طلعت غلط يبقي مايلومش الا نفسه بعد كده.

البلد لا تحتمل المزيد من البلبه, و المصريين وصلوا الي حاله من عدم الثقه في الكل, و بالتأكيد بما فيهم الجهات التي تصدر الإشاعات. 

و بالتالي لا يوجد اي مستفيد من الوضع الحالي الا اعداء الثورة, أرجو ان نتعقل و ننهي حاله الإستقطاب و نحترم الأخر.

انتقد من تشاء ... و لكن لا تجرح ولا تكذب ولا تشنع.

حمدين صباحي ... واحد مننا ... و احترامي لكل الأخرين.