بقلم يحيي أحمد
فخامه الرئيس السابق محمد حسني مبارك, احب اقولك ان شعب مصر خلعك من كرسي الحكم بالقوه مش بمزاجك(بالعند فيك احسن تكون فاكر ان تخليك عن الكرسي كان علشان فخامتك حريص علي مصر), و احنا هنحاسبك, بالزوق بالعافيه هنحاسبك, و احنا اللي نقول انت حرامي ولا لا, و ان كان عاجبك لان احنا الاقوي دلوقتي, فخامه الرئيس اسمحلي اقولك ان هلتك اللي مش بهيه أكدتلي ان الثورة لسه مخلصتش, الثورة لسه في اولها, و علشن نكمل لازم نكون صف واحد من تاني شعب و جيش, فقير و غني, مسلم و مسيحي, قبلي و بحري, لازم نعيد توحيد الصفوف, لازم نسمع صوت العقل و صوت العقل فقط.
بدعوكم الي الاشتراك في صفحه صوت العقل علي الفيس بوك لتكون هي الملتقي الذي نتناقش فيه و نسمع بعض فيه , ليخرج منه صوت العقل, الصوت اللي يجمعنا و يقوي ثورتنا, ادعوا اصدقائكم ادعوا قرايبكم و خليهم ينضموا لينا
و علشان نعرف ايه هو صوت العقل, اكيد هيكون هو الرأي اللي يجمع المصريين كلهم علي قلب رجل واحد
و هو ده ردنا علي رساله فخامه الرئيس المخلوع محمد حسني مبارك
زي ما جمعتنا يوم 2 فبراير, قدرت تجمعنا يوم 10 ابريل , هي هي نفس الظروف نفس التشتت و نفس عدم وضوح الهدف و عدم الفهم الكامل لمجريات الأمور, و لكن خطابك العجوز أكدلنا اهميه وحدة صفنا و وحدة هدفنا, لان لسه عدونا حر طليق يدير الأمور من خلف الكواليس.
شكرا فخامه الرئيس المخلوع
للإشتراك في الصفحه اضغط هنا
No comments:
Post a Comment